| 文、圖︱謝明翰(大雅長老教會青年，現職華新麗華公司鹽水廠技術員) |
| 校 譯︱黃偉倫、鐘美珍 |
逐禮拜其中一日，𠊎下班後，都會去成功大學客家社教客家話。
還細時節，聽到爺ôi講个話底肚有當多聽毋識个字，𠊎就會緊問該下講个係麼个意思。到今哺日正知，原來𠊎從小就種了「母語傳承」个種子。 |
國小个時節，先生知𠊎係客家人，看到學校有客話朗讀㧯演講比賽，就喊𠊎去參加，該央時沒想恁多，乜毋會驚，就答應先生。𠊎想，就係因為恁樣累積个經驗，造就𠊎個性方面毋驚生份，堵著臨時發生个狀況，乜做得當平靜安穩來面對。
到了國中个時節，心肝肚想講：𠊎一定愛再參加一擺有關客家个比賽，沒想到學校竟然沒辦，就因為無恁樣个機會，再加上升學壓力大，就冇再去想佢。到了高中，頭擺个想法又再過一擺出現，心肝肚想講𠊎不管仰仔一定愛參加有關客家个比賽，結果學校乜沒辦。過幾日，先生佬𠊎講做得參加全縣个比賽，該央時乜沒想恁多，就恁樣去比賽了。當歡喜个係𠊎得到全縣个第一名，學校試著當光榮，乜鼓勵𠊎繼續行「母語傳承」這條路。
這下，逐禮拜其中一日，𠊎下班後，都會去成功大學客家社教客家話，雖然沒當多人，毋過𠊎試著，就算單淨幾儕人想學，就算十分𤸁，𠊎也一定歡喜去教，這係「母語傳承」个寶貴啊！