厓目珠裡肚个客家

文、圖｜謝明翰／台南大專畢契，華新麗華公司鹽水廠技術員

人權 

2017年个聖誕節，台南大專中心舉辦聖誕慶祝活動，主題係「人權」，厓受到台南大專中心吳明漢牧師个邀請，請厓為著關心無共樣族群个人權議題來做專題演講。 

愛鄰舍就係愛上帝

頭擺个社會，發生當多傷害人權个事情，不管係戒嚴，還係女性人權等，都有當多做得討論个議題。用「族群」來講，這下台灣有當多無共樣个族群，你知這兜族群个故事無？你知你係哪個族群無？用厓自家來講，厓都摎別人講厓係純種个客家人，因為厓爺哀都係客家人。過年過節不管去到哪，耳公聽到个話全部係客家話，故所從小厓就知厓个身分摎其他人無共樣。係講厓無記毋著，從小到大，厓个班項淨有厓一儕人係客家人，無就係客家人，毋過毋會講客家話。到大了以後，這個情形緊來緊嚴重，毋過厓乜無辦法，族群个認同，毋係一日兩日就會有个，最重要个係愛樣般在這多元族群共同生活个地方互相尊重、互相信任、互相帣手；因為耶穌分厓兜个大誡命，係愛en’愛上帝、愛鄰舍，這兩句毋係分開个，顛倒「愛鄰舍」就係「愛上帝」。 

編按：本文母語為苗栗四縣腔客語。